Берлинда Германия—Ўзбекистон қўшма бизнес-форуми бўлиб ўтмоқда
Форумда икки мамлакатнинг 250 дан ортиқ йирик компаниялари, холдинг ва саноат корхоналари, банклари, вазирликлари, идора ва саноат бирлашмалари раҳбарлари иштирок этяпти.
Бугун, 2 май куни Ўзбекистон Президенти Шавкат Мирзиёевнинг Германия Федератив Республикасига ташрифи арафасида Берлин шаҳрида қўшма бизнес-форуми бошланди.
Форумда икки мамлакатнинг 250 дан ортиқ йирик компаниялари, холдинг ва саноат корхоналари, банклари, вазирликлари, идора ва саноат бирлашмалари раҳбарлари иштирок этмоқда.
Икки мамлакат ўртасидаги ўзаро товар айирбошлаш ҳажмининг ўсиши кузатилди, сўнгги 5 йил ичида бу кўрсаткич икки баравар ошди. 2022 йил якунига кўра икки томонлама савдо кўрсаткичлари яна 50 фоизга кўпайди ва биринчи марта 1 миллиард евродан ошди.
Сармоявий ҳамкорлик ва саноат кооперациясида ҳам изчил динамика кузатилмоқда. Ўзбекистонда Германия капитали иштирокида ташкил этилган корхоналар сони бир неча йил ичида қарийб 3 баробар кўпайиб, 200 тадан ошди. 2017 йилдан бери ўзлаштирилган немис инвестицияларининг умумий миқдори 11 баробар ўсди ва бугунги кунда 4 миллиард евродан ортиқни ташкил этмоқда. Германиянинг МАН, СЛААС, Кнауф, ГП Папенбург, Виессманн, Деутсче Кабель, ЛEМКEН каби кўплаб компаниялари Ўзбекистонда аллақачон фаол ва жуда муваффақиятли бизнес юритиб, янги ишлаб чиқариш қувватларини ишга туширмоқда.
