Австралияда электрон сигарет тақиқланди
Унинг таркибида 200 дан ортиқ кимёвий моддалар мавжуд.
Австралия ҳукумати электрон сигареталар импортини ва уларни чакана савдосини тўхтатди.
Мамлакат, шунингдек, ушбу маҳсулот учун ёпиқ фармацевтика услубидаги қадоқлашни жорий қилишни ва барча бир марталик ишлатиладиган қурилмаларни тақиқлашни режалаштирмоқда.
Дастлаб никотинли электрон сигаретлар тақиқланганди. Энди эса бу мевалиларига ҳам тегишли. Австралия соғлиқни сақлаш вазирлигига кўра, у ҳозирда янги чекувчиларни тезда жалб қилиш воситасига айланди. Энди фақатгина шифокор рухсати билан чекувчиларга бу одатни ташлашга ёрдам берадиган терапевтик дори сифатида дорихоналардагина сотилади.
Австралияда ҳар олтинчи ўсмир электрон сигарета чекади. Унинг таркибида ўпкани заҳарлайдиган 200 дан ортиқ кимёвий моддалар мавжуд.
