Аёл ўз уйида «самосуд» қилинди
Маълумотларга кўра, унинг сочлари кесиб ташланган.
Хабар қилинишича, уч аёл ва бир эркак ўзаро олдиндан тил бириктириб, гўёки Шоҳрух исмли йигитни сўраб келиб, алдов йўли билан уйга кирган.
Шундан сўнг, улар аёл билан олдиндан бўлган келишмовчиликни рўкаж қилиб, аёлни хонадан ётоқхонасига олиб кириб, эшикни қулфлан. Жабрланувчига зўрлик ишлатиб, уни уриб, сочларини кесиб ташлаган. Ҳолатни телефонда видеога олиб, жабрланувчини кейинчалик ижтимоий тармоқларда тарқатиш билан қўрқитиб, воқеа жойидан кетишган.
Суд-тиббий экспертизаси хулосаси аёлга енгил турдаги тан жароҳати етказилганини кўрсатмоқда. Олиб борилган тезкор тадбир давомида жиноий гуруҳ аъзолари қўлга олинган.
Мазкур ҳолат юзасидан Жиноят кодексининг тегишли моддалари билан жиноят иши қўзғатилиб, дастлабки тергов ҳаракатлари олиб борилмоқда.
