Испанияда сувдан фойдаланишга чеклов қўйилди
Мамлакат даҳшатли қурғоқчиликни бошдан кечирмоқда.
Каталония ҳукумати сувдан фойдаланишга чекловлар киритмоқда. Бу 500 та аҳоли пунктига тегишли.
Боғни суғориш ҳафтада икки мартадан кўп бўлмаслиги керак. Автомобилларни, тротуарларни ювиш, ҳовузларни тўлдириш тақиқланади. Бу чора-тадбирлар қарийб етти миллион кишига таъсир қилади.
Об-ҳаво маълумотларига кўра, минтақада ҳарорат деярли 40 даража иссиқ, ёмғир ёғиши кутилмаяпти. Вазият яқин келажакда ўзгармайди.
Деҳқонлар сувсизликдан қуриб қақшаган далаларга экин эка олмаяпти. Бор ҳосиллар эса сувсизликдан нобуд бўлган. Маҳаллий аҳоли ёмғир сўраб ибодат қилишни бошлаган. Маҳаллий ҳокимият каталонияликларни ўзлари ва бошқалар ҳақида қайғуришни бошлашга чақирди. Бунинг учун сувни тежаш керак.
