Ўзбекистонлик йигит хорижда аёвсиз калтаклангани айтилди
ИИВ ҳолат юзасидан дастлабки маълумот берди.
Ижтимоий тармоқларда номаълум бир эркак ўсмир йигитни дўппослаб, унга тан жароҳатлари етказаётганлиги тасвирланган видеолавҳа тарқалди. ИИВ ҳолат Тезкор-қидирув департаменти томонидан ўрганилаётганини қайд этди.
Таъкидланишича, мазкур ҳолат республика ҳудудидан ташқарида содир этилганлиги бўйича бирламчи тезкор маълумот олинган.
"Ҳозирда департамент ходимлари томонидан хорижий ҳамкасблар билан ҳамкорликда видеолавҳада акс этган фуқароларнинг шахсига аниқлик киритиш бўйича тезкор-қидирув тадбирлари амалга оширилмоқда. Уларнинг натижаси юзасидан айбдорларга нисбатан жазо муқаррарлигини таъминлаш чоралари кўрилади", - дейилади хабарда.
