Сербияда ўсмир мактабда отишма содир этди
У 16 кишини ўдиришни режа қилган.
Сербия пойтахти Белграддаги мактабда 13 ёшли ўсмир саккиз нафар синфдоши ва қўриқчини отиб ўлдирди.
Яна олти нафар бола ва бир ўқитувчи тан жароҳати олиб, касалхонага ётқизилган. Ҳозирда ўсмир қўлга олинган. Полиция маълумотларига кўра, у синфга кириб, отасига тегишли тўппончадан ўқ уза бошлаган. Шундан кейин ўзи полицияга қўнғироқ қилган.
Воқеа сабаблари ҳозирча маълум қилинмаган, бироқ у олдиндан режалаштирилгани хабар қилинди. Ҳужумчининг қўлида ўлдирмоқчи бўлган 16 нафар ўқувчининг исмлари ёзилган рўйхат бўлган.
