0
Бухорода сохта тиббиёт институти ходими ушланди
У ўқишни «перевод» қилиб бериш эвазига пора олган.
Бухоро шаҳрида талабанинг ўқишини бошқа ОТМга кўчириб бериш учун пора олаётган шахс қўлга тушди. Бу ҳақда ИИВ ахборот хизмати хабар бермоқда.
Маълум бўлишича, 1987 йилда туғилган K.M. ўзини Бухоро тиббиёт институти ходими сифатида таништириб, бир фуқаронинг ўқишини Бухоро давлат университетидан Бухоро тиббиёт институтига кўчириб бериш эвазига 2022 йил май ойидан август ойига қадар бўлган вақт оралиғида алдов йўли билан 4.000 АҚШ долларини олган. Шундан сўнг у талабанинг ўқишини кўчириб бермасдан, пулларни ўз эҳтиёжлари учун сарфлаб юборган.
Мазкур ҳолат юзасидан Жиноят кодексининг 168-моддаси 3-қисми билан жиноят иши қўзғатилиб, ҳозирги кунда дастлабки тергов ҳаракатлари олиб борилмоқда.
