Ўзбекистонда яшовчи 2-жаҳон уруши қатнашчилари нечта?
Мудофаа вазирлиги бу бўйича статистика эълон қилди.
6 май ҳолатига кўра, Ўзбекистон Республикасида истиқомат қилувчи Иккинчи жаҳон уруши ва фронт орти қатнашчиларининг сони 174 нафарни ташкил этади. Бу ҳақда Мудофаа вазирлиги инфографика эълон қилди.
Шундан вилоятлар кесимида қуйидагича:
Қорақалпоғистон Республикасида — 3 нафар;
Наманган вилоятида — 3 нафар;
Сирдарё вилоятида — 3 нафар;
Хоразм вилоятида — 5 нафар;
Жиззах вилоятида — 6 нафар;
Андижон вилоятида — 6 нафар;
Бухоро вилоятида — 7 нафар;
Сурхондарё вилоятида — 8 нафар;
Навоий вилоятида — 9 нафар;
Қашқадарё вилоятида — 10 нафар;
Самарқанд вилоятида — 10 нафар;
Фарғона вилоятида — 19 нафар;
Тошкент вилоятида — 26 нафар;
Тошкент шаҳрида — 55 нафар.
Улар орасида 100 ва 100 ёшдан ошганлари 25 нафарни ташкил этади. Уларнинг умумий ҳисобда энг кичиги 78 ёшда, энг каттаси 112 ёшда.
Эслатиб ўтамиз, Президент фармони билан Иккинчи жаҳон уруши ва фронт орти қатнашчиларининг ҳар бирига 18 млн сўм бир марталик мукофот пули берилади.
