Бош прокуратура бошқармаси катта прокурори ва туман терговчиси қўлга олинди
Бу ҳақда Бош прокуратура матбуот хизмати хабар берди.
Тошкентда Бош прокуратура бошқарма катта прокурори Э.А. ҳамда Учтепа тумани прокуратураси терговчиси А.Д. қўлга олинди. Бу ҳақда Бош прокуратура матбуот хизмати хабар бермоқда.
Қайд этилишича, уларга нисбатан жорий йил 6 май куни Жиноят кодексининг 168 (фирибгарлик) ва 28, 211 (пора бериш) моддалар билан жиноят иши қўзғатилган.
Жиноят иши бўйича гумонланувчилар процессуал тартибда ушланди.
Ҳозирда тергов ҳаракатлари олиб борилмоқда.
«Терговга аралашиш ва тўсқинлик қилиш ҳолатларининг олдини олиш мақсадида бошқа тафсилотлар ошкор қилинмайди», — дейилади хабарда.
