“Цивилизация ҳал қилувчи бурилиш палласида турибди”
Путин Россияга қарши яна уруш бошланганини айтди
Украинадаги уруш ҳалокатлидир, лекин у рус қўшинларининг бостириб кириши билан бошланмади, балки “давлат тўнтариши” деб аталган нарса уни қўзғатди. Бу ҳақда 9 май Москвада бўлиб ўтган ҳарбий парадда Россия Федерацияси президенти айтиб ўтди.
“Ҳаддан ташқари амбициялар, такаббурлик муқаррар равишда фожиаларга айланади. Улар давлат тўнтариши ва унинг негизида шаклланган ғарб хўжайинларининг жиноий режимининг гаровига айландилар. Украина халқи ҳозир бошдан кечираётган фалокатнинг сабаби шу”, — деди Путин.
Шу билан бирга, у Россияга қарши ҳақиқий уруш яна бошланганидан афсусда эканини қўшимча қилди.
“Бугун цивилизация яна ҳал қилувчи бурилиш палласида турибди. Ватанимизга қарши яна ҳақиқий уруш бошланди. Россия учун Ғарбда ҳам, Шарқда ҳам душман йўқ”, — деди Россия раҳбари.
