АҚШ федерал қарзи бўйича потенциал дефолт ҳалокатли бўлади — Жо Байден
Журналистлар Байденни "сиқувга олди".
Оқ уйдаги журналистлар ундан вакиллар палатаси спикери Кевин Маккартининг мамлакатда дефолт бўлиши мумкинлигини тан олувчи сўзларига изоҳ беришни сўрашди.
"Мен спикер Маккарти нима деб ўйлаётганини билмайман. Менимча, у яхшироқ билади. Менимча, у дефолт ҳалокатли бўлишини билади. Ва менимча, у маъқуллаган нарса Конгрессдан ўтмаслигини билади", — деб жавоб берди Америка Қўшма Штатлари Президенти.
Байден Маккартининг бюджет харажатларини сезиларли даражада қисқартириш билан бирга мамлакатнинг қарз чегарасини ошириш режаси ҳақида гапирди. Бу ташаббус апрель ойи охирида республикачилар назоратидаги Вакиллар палатаси томонидан қабул қилинган эди. Мутахассисларнинг ишончи комилки, демократлар назоратидаги Конгресс Сенати бу таклифни қўллаб-қувватламайди.
