0
Украинага Abrams танклари куз бошида топширилади
Бу ҳақда Пентагон раҳбари маълум қилди.
Пентагон раҳбари Ллойд Остиннинг сўзларига кўра, аввало украиналик ҳарбийларни янги техникадан фойдаланишга ўргатиш ва танкларга хизмат кўрсатиш инфратузилмасини яратиш керак.
«Бу ускуна, хусусан, турбинали двигатель ва бошқа анча мураккаб тизимлар туфайли сезиларли даражада фарқ қилади. Лекин биз уни имкон қадар тезроқ украиналикларга топширишга ҳаракат қилмоқдамиз», — деб тушунтирди АҚШ Мудофаа вазири америкалик сенаторлар билан суҳбатда.
Аввалроқ 250 га яқин украиналик ҳарбий хизматчилар Германиядаги Графенвёр полигонида Abrams танкларини бошқариш ва техник хизмат кўрсатиш бўйича ўқитилиши хабар қилинган эди. Қўшма Штатлар модернизациядан сўнг Украинага М1А1 танкларини жўнатади.
