Эркак Санкт-Петербургдаги элчихонага бориб, ўз аёлини ўлдирганини тан олди
Мигрант ўзбекистонлик бўлган.
Ўзбекистоннинг Санкт-Петербургдаги дипломатик ваколатхонасига ўзбекистонлик мигрант келиб, хотинини ўлдирганини айтди.
Қайд этилишича, 2023 йилнинг 11 май куни соат 10:00 ларда Санкт-Петербург шаҳрининг Красноармейская кўчасида жойлашган консуллик назорат-ўтказиш пунктига бир йигит келган. У хотинини ўлдиргани ва унинг жасади Муринодаги ижарага олинган квартирада турганини айтган.
Полиция Санкт-Петербургда ноқонуний яшаётган 22 ёшли Ўзбекистон фуқаросини консулликда қўлга олган. Жиноят қидирув бўлими ходимлари Мурино шаҳридаги хонадонга етиб келиб, у ерда 19 ёшли Ўзбекистон фуқаросининг жасадини аниқлаган. Тахминларга кўра, у бўғиб ўлдирилган.
Мазкур ҳолат юзасидан Россия Федерацияси Жиноят кодексининг 105-моддаси 1-қисми (қотиллик) билан жиноят иши қўзғатилган.
