Туркияда сайловдан олдинги жимлик куни
Эртага мамлакат учун тарихий сана.
Туркияда президентлик сайловлари олдидан жимлик куни эълон қилинди. Эртага республиканинг янги раҳбари учун овоз бериш бўлиб ўтади.
Сайлов бюллетенида учта исм бўлади. Аммо улардан иккитаси асосий рақиблардир. Ражаб Тоййиб Эрдоған ва Камол Қиличдарўғли.
Сўров натижаларига кўра, турк сайловчиларининг овозлари икки номзод ўртасида деярли тенг тақсимланган ва катта эҳтимоллик билан иккинчи раунд ҳам бўлиб ўтади. Айрим сиёсатшуносларнинг фикрича, амалдаги президентнинг мансаб учун курашда ютқазиши эҳтимоли юқори.
