Сайлов натижаси турк халқи учун фойдали бўлишига умид қиламан—Эрдоған
Туркияда умумий сайловларда овоз бериш давом этмоқда.
Туркия президенти Ражаб Тойиб Эрдўғон мамлакатда бўлиб ўтаётган сайлов натижалари турк халқи ва давлати учун “фойдали бўлишига” умид билдирди. Бу ҳақда у Истанбулнинг Осиё қисмидаги сайлов участкасига рафиқаси билан овоз бериш учун келганида айтди.
“Демократиянинг кучини кўрсатиш учун барча сайловчиларимизнинг соат 17:00 дан олдин қўрқмасдан овоз бериши жуда муҳим. Натижалар демократиямиз, халқимиз ва давлатимиз учун фойдали бўлишини тилайман”, — деди Эрдоған журналистларга.
Эрдоғаннинг асосий рақиби — мухолифатдаги “Халқ иттифоқи” партиясидан ягона номзод Камол Қиличдорўғли. Сайлов участкалари маҳаллий вақт билан соат 17.00 гача ишлайди.
Мамлакат ичида 60 721 475 нафар фуқаро сайлов ҳуқуқига эга бўлиб, кўпчиликни аёллар ташкил этади.
