Хитой туғилишни рағбатлантириш учун янги лойиҳани ишга туширди
Бу демографик инқирозни енгиб ўтишга қаратилган.
Хитой никоҳнинг янги маданиятини яратиш ва туғилишни кўпайтиришга қаратилган янги пилот лойиҳаларни ишга туширмоқда.
Лойиҳа доирасида ёшлар ўртасида муносиб ёшда турмуш қуриш ва фарзанд кўриш зарурлиги тўғрисида маърифий-тушунтириш ишлари олиб борилиши ҳамда ота-оналарни фарзанд тарбиясидаги масъулиятни биргаликда бажаришга ундаш назарда тутилган. Ёшларнинг турмуш қуриш истагига салбий таъсир кўрсатадиган эскирган урф-одатларни рад этишга алоҳида урғу берилади, масалан, анъанавий келин учун тўловлар чекланиши мумкин.
Бу Хитойдаги демографик инқирозни енгиб ўтишга қаратилган бир қатор қадамларнинг сўнггисидир. Илгари туғилиш даражасини рағбатлантириш бўйича бир қатор чора-тадбирлар жорий этилган бўлиб, солиқ имтиёзлари, уй-жой субсидиялари ва оиладаги учинчи фарзанд учун бепул ёки субсидияланган таълим имконияти берилган.
