Туркияга довул ёпирилди
Пойтахт Анқара табиий офат марказида.
Мисли кўрилмаган довул Туркия пойтахтига зарба берди. Шамол дарахтларни йиқитди, уйлар ва бошқа биноларнинг томларини учириб юборди, иккита масжиднинг минораларини қулатган.
Довул бошланган вақтда ҳавода 14 нафар парапланчи бўлиб, улар бўрон гирдобига тушиб қолишган. Кучли шамол таъсирида экстремал спортчилар ҳар хил жойларга тушишди.
Синоптиклар Туркияда ёмғир ва кучли шамол бўлиши ҳақида олдиндан огоҳлантирган. Айрим ҳудудларда вазият яқин кунларда такрорланиши мумкин. Шу боис расмийлар маҳаллий аҳолидан эҳтиёт бўлишни сўрамоқда.
