Зеленский Артомовск бой берилганини тан олди
“Бугун у фақат бизнинг қалбимизда қолади”, — деган президент.
Украина президенти Владимир Зеленский Украина қуролли кучлари Артомовскни бой берганини тан олди. Бу ҳақда Reuters агентлиги хабарига таяниб, Sputnik нашри ёзмоқда.
Украина етакчиси “Катта еттилик” (G7) мамлакатлари саммити бўлиб ўтаётган Япониянинг Хиросима шаҳрида журналистларнинг Артомовск ҳозирда Украина ҳарбийлари назорати остидами, деган саволига жавоб берар экан, шундай баёнот берди.
“Менимча, йўқ. Бугун у фақат бизнинг қалбимизда қолади”, — деди Зеленский.
Кеча, 20 май куни “Вагнер гуруҳи” асосчиси Евгений Пригожин Россия кучлари Артомовскни (Бахмут) тўлиқ назорат остига олганини маълум қилди.
Россия президенти Владимир Путин шаҳарни озод қилишда қатнашган барча жангчиларни табриклади.
Артомовск ДХР ҳудудида, Горловка шаҳридан шимолда жойлашган. Бу Донбассдаги Украина қўшинлари гуруҳини таъминлаш учун муҳим транспорт марказидир. Шаҳар атрофида шиддатли жанглар кўп ой давом этди.
