Бельгияда 16 ёшдан овоз бериш ҳуқуқи жорий этилди
Бу ЕИ га аъзо мамлакатлар — Мальта, Германия ва Австриядан кейин шундай қарорга келган тўртинчи давлатдир.
Бельгияликларга Европарламент сайловларида 16 ёшдан бошлаб овоз бериш ҳуқуқи берилди — бу сайловчиларнинг фаоллик даражасини ошириши керак. Бу ҳақда Euronews хабар берди.
Бельгия ҳукумати Европарламентга сайловларда овоз бериш учун минимал ёшни 16 ёшга туширди. Бу ЕИга аъзо мамлакатлар — Мальта, Германия ва Австриядан кейин шундай қарорга келган тўртинчи давлатдир.
Шу тариқа, 280 мингга яқин бельгиялик ёш келаси йили Европа даражасида ўз сўзини айтиш имкониятига эга бўлади. Лекин сайловчилар рўйхатига автоматик равишда кирадиган катталардан фарқли ўлароқ, овоз беришни истаган вояга етмаганлар олдиндан рўйхатдан ўтишлари керак бўлади.
