Археологик ёдгорликлар қазиш ва бузишнинг "қурбони" бўлди
Етказилган зарар салкам 300 миллиардни ташкил этади.
Бухоро вилояти Ромитан туманида жойлашган 5 та археология ёдгорлигига турли сабабларга кўра жами 291,4 млрд сўмлик жиддий шикаст етказилганлиги аниқланган. Бу ҳақда Бош прокуратура матбуот хизматининг маълум қилди.
Бунга ноқонуний қазиш ва бузиш ишлари олиб борилганлиги сабаб бўлган.
Жумладан, ўрта асрларга оид "Тепа 9" археология мероси объектига 269,6 млрд сўмлик, "Қалаи Муллабектепа" ёдгорлигига 19,7 млрд сўмлик, "Амиртепа" ёдгорлигига 1,1 млрд сўмлик, "Хўжа Ҳаққитепа" ёдгорлигига 832 млн сўмлик ва "Тепа 5" ёдгорлигига 202 млн сўмлик зарар етказилган.
Аниқланган ҳолатлар юзасидан жиноят иши қўзғатилиб, дастлабки тергов ҳаракатлари олиб борилмоқда.
