Бухорода дарахт кесилиши ортидан масжид имоми жазоланди
Маълум бўлишича, масжидда салкам 10 та дарахт кесиб ташланган
.
Ижтимоий тармоқларда Бухорода вилоятидаги қурилиши бошланаётган майдонда бир қанча дарахтларнинг кесилгани акс этган суратлар тарқалди.
Маълум қилинишича, Бухоро шаҳридаги “Придастгир” жомеъ масжиди ҳудудида таҳоратхона қурилиши ишлари олиб борилаётганлиги туфайли дарахтлар кесилган. Бунда қурилиш остига тушган ер майдонидан 8 дона мевали ҳамда 1 дона манзарали дарахтлар ўзбошимчалик билан кесилганлиги аниқланган.
Ушбу ҳолат юзасидан масжиднинг масъул ходимига нисбатан Ўзбекистон Республикаси МЖтКнинг 79-моддаси, 1-қисми билан баённома расмийлаштирилиб, 1 650 000 сўм жарима ҳамда табиатга етказилган зарар 8 580 000 сўм ҳисобланган.
Кесилган дарахтлар ўрнига иқлим шароитига мос манзарали дарахт кўчатларини экиш ва парвариш қилиш бўйича масжид бош имомига мажбурият юкланган.
