Эрдоғаннинг инаугурация маросими қачон ўтказилиши маълум қилинди
Эрдоған президент сайловининг иккинчи босқичида 52 фоиз овоз билан ғалаба қозонганди.
Режеп Таййип Эрдоғаннинг Туркия президентлигига қайта сайлангани муносабати билан бўлиб ўтадиган инаугурация маросими 3 июнда бўлиши мумкин, деб xabar берди президент маслаҳатчиси Мехмет Учум Twitter’даги саҳифасида.
«Агар Олий сайлов комиссияси президент сайловининг якуний натижаларини 1 июнда эълон қилса, инаугурация маросими 3 июнь куни Анқарада бўлиб ўтади. Шу куни Эрдоған янги Вазирлар Маҳкамаси рўйхатини ҳам ошкор қилади», - дейди Учум.
Таъкидланишича, қайта сайланган президентнинг инаугурациясида иштирок этадиган хорижлик етакчилар рўйхати ҳали тўлиқ шакллантирилмаган.
Маълумот учун, Эрдоған президент сайловининг иккинчи босқичида 52 фоиз овоз билан ғалаба қозонганди.
