Таъмирталаб йўллар таъмирланмоқда
Давлатимиз раҳбари топшириғига асосан тузилган Республика Ишчи гуруҳи ўз фаолиятини Андижон вилоятида давом эттирмоқда.
Давлатимиз раҳбари топшириғига асосан тузилган Республика Ишчи гуруҳи ўз фаолиятини Андижон вилоятида давом эттирмоқда.
Ишчи гуруҳ таркибига Президент Администрацияси, Давлат хизматини ривожлантириш агентлиги, Халқ қабулхоналарининг масъул ходимлари, 13 та республика вазирлик ва идоралари ҳамда вилоят, туман ва шаҳар секторлари, соҳавий ташкилотлар раҳбарлари жалб этилган.
Ўтган давр мобайнида ҳудудда аҳоли учун долзарб бўлиб турган муаммоларни ҳал этиш бўйича қатор ишлар амалга оширилди.
Жумладан, йўл, коммуникация тармоқлари, инфратузилма ҳолатини яхшилаш мақсадида ички йўлларнинг жами 260,8 км қисми таъмирланди. Шундан, 173,7 км йўлга шағал (шу жумладан, 12 та оғир маҳаллада 73,6 км) ётқизилди, 5,7 км йўл бетонлаштирилди, 81,4 км йўл асфальт қилинди.
Аҳолини ичимлик суви билан таъминланганлик даражасини яхшилаш мақсадида 13,6 км ичимлик суви тармоғи тортилди, 3 та тик қудуқ (скважина) қайта тозаланди, 1 дона сув миноралари ўрнатилди, 38 та сув насослари таъмирланиб қайта ўрнатилди ва 12 та сув насослари янгиланди.
Аҳолига қўшимча 5 649 тонна суюлтирилган газ етказиб берилди. 16 985 та аҳоли хонадонларидаги газ жиҳозлари техник кўриги ташкил этилди, 262 та газ тақсимлаш пунктларида мукаммал таъмирлаш ва диагностика ишлари амалга оширилди, 173 та янги газ баллон етказиб берилди, 29,6 км газ қувурлари ҳаво босими остида тозаланди ва синовдан ўтказилди, 32,8 км газ қувурлари тартибга келтирилди.
Электр таъминотини яхшилаш мақсадида 126 та трансформатор пунктлари мукаммал таъмирланди, 361,7 км электр узатиш тармоқлари жорий таъмирланди, 22,6 км янги электр узатиш тармоқлари тортилди,136 км электр узатиш тармоқлари дарахт шохларидан тозаланди ва 60 та темир-бетон устунлар ўрнатилди.
Вилоятида ўтказилган тиббий кўриклар натижасида 201 618 нафар фуқаролар қамраб олинди, 70 116 нафар фуқарода турли касалликлар аниқланган бўлиб, 1 254 нафари (20 нафари Республика ва 1 234 нафари вилоят, шаҳар, туман миқёсидаги) шифохоналарга ётқизилди ва 69 094 нафар фуқарога амбулатор шароитда даволаниш юзасидан тавсиялар берилди. Оилавий поликлиникаларда 156 178 нафар беморларга бепул дори-дармон тарқатилди.
Ишлар давом этмоқда.
