Ўзбекистон май ойида рекорд ҳажмда тарвуз экспорт қилди
Тарвуз экспорти олдинги йиллар билан солиштирилганда 9-12 бараварга ошган.
Ўзбекистон 2023 йилнинг май ойида 30 минг тоннадан ортиқ тарвуз экспорт қилди ва экспорт мавсуми бошида тарихий рекорд ўрнатди, дейди EastFruit таҳлилчилари. Мутахассисларнинг фикрича, ўзбек тарвузи янги ҳосилининг биринчи партияларини ташқи бозорларга жўнатиш 2023 йил май ойининг биринчи ўн кунлигида, ўтган йилгидан бир ҳафтага эртароқ бошланган.
Дастлабки савдо статистика маълумотларига кўра, 2023 йил май ойида Ўзбекистон жами 6,5 миллион долларлик 30,4 минг тонна тарвуз экспорт қилди. Бу 2022 йилнинг шу даврига нисбатан физик кўринишда 9 баравар ва 2021 йил май ойига нисбатан 12 баробар кўпдир. Қайд этилишича, уҳбу ҳажмнинг деярли барчаси (99 фоиздан ортиғи) ЕОИИ мамлакатларига жўнатилган.
«Шу билан бирга, Ўзбекистондан ташқи бозорларга тарвуз жўнатишнинг энг фаол даври май ойининг учинчи ўн кунлиги бўлиб, бутун ой давомида экспортнинг қарийб 95 фоизини ташкил этади. Бошқача айтганда, май ойининг сўнгги ўн кунлигида 29 минг тоннага яқин ўзбек тарвузи ташқи бозорга жўнатилди, яъни. кунига ўртача 2,6 минг тонна», — дейди мутахассилар.
Таҳлилчиларнинг хулосаларига кўра, ўзбек тарвузининг жорий экспорт мавсумининг бундай оптимистик бошланиши 2023 йил охиригача Ўзбекистон ушбу маҳсулотнинг ўтган йилги рекордини янгилаши мумкинлигини кўрсатади.
