Эрдоғаннинг инаугурациясида 80 дан ортиқ давлат вакиллари иштирок этади

 

Туркия президенти Режеп Таййип Эрдоғаннинг 3 июнь куни Анқарадаги президентлик мажмуасида бўлиб ўтадиган инаугурация маросимида 21 та давлат раҳбари ва 13 бош вазир, шунингдек, кўплаб вазирлар ва халқаро ташкилотлар вакиллари, жумладан, Туркий давлатлар ташкилоти, НАТО ва Ислом ҳамкорлик ташкилотига аъзо ҳамкорлар қатнашади, дея хабар бермоқда «Anadolu» ахборот агентлиги.

 

Президентлик сайловларида 27 млн 834 минг 589 овоз билан ғалаба қозонган Эрдоған 3 июнь куни маҳаллий вақт билан соат 14:00 да Туркия Буюк Миллат Мажлисида қасамёд қилиш маросимида иштирок этади. Эрдоғон мандатини Туркия Олий Миллат Мажлиси муваққат спикери Девлет Бахчелидан қабул қилиб олади.

 

Маросимда Озарбайжон Президенти Илҳом Алиев, Венесуела Президенти Николас Мадуро, Болгария Президенти Румен Радев, Черногория Президенти Кирил Рамафоса, Қозоғистон Президенти Қосим-Жомарт Токаев, Қирғизистон Президенти Садир Жапаров, Конго Президенти Денис Сассу Нгуессо, Косово Президенти Вёса Усмоний, Шимолий Македония Президенти Эрсин Татар, Шимолий Македония Президенти Стево Пендаровски, Ўзбекистон Президенти Шавкат Мирзиёев, Туркманистон Президенти Сердар Бердимуҳамедов, Бангладеш Президенти Моҳаммад Шаҳабуддин Чуппу, Гвинея Президенти Мамади Думбуа ва бошқа бир қатор давлат раҳбарлари иштирок этади.

 

Бундан ташқари, фахрий меҳмонлар рўйхатидан 13 нафар бош вазир ҳамда Туркий давлатлар ташкилоти Бош котиби Кубаничбек Омуралиев, НАТО Бош котиби Енс Столтенберг ва Ислом ҳамкорлик ташкилоти Бош котиби Ҳусайн Иброҳим Таҳа каби 8 та халқаро ташкилот вакиллари ўрин олган.

 

Инаугурация маросими якунлангач, Туркия президенти Вазирлар Маҳкамасининг янги таркибини эълон қилади.