Газ ва электр бўйича янги тарифлар кузгача қабул қилинади
Энергетика вазири ўринбосари кузгача аҳоли учун газ ва электр энергияси бўйича янги тарифлар ҳақида қарор қабул қилиши мумкинлигини таъкидлади.
Ўзбекистонда 2023-йилнинг куз ойигача аҳоли учун электр энергияси ва газ учун янги тарифлар тўғрисида қарор қабул қилади. Бу ҳақда «Newshub» хабар берди.
Энергетика вазирининг биринчи ўринбосари Азим Ахмедхаджаевнинг таъкидлашича, ҳукумат кузгача аҳоли учун электр энергияси ва газ бўйича янги тарифлар тўғрисида қарор қабул қилади.
«Янги тарифларни жорий этишни ўтган йил қолдиргандик, чунки биз бунга ҳали тайёр эмаслигимизни англадик. Шунингдек, инфляцияга таъсир кўрсатиши мумкин бўлган иқтисодий жиҳатлар ҳам ҳисобга олинган. Ўйлайманки, кузгача қарор қабул қилинади ва биз тарифларни қачон кенг миқёсда ишга туширишни тушунамиз», — деди Ахмедхаджаев.
Унинг сўзларига кўра, бозорда адолатли ёндашувни шакллантириш керак. Бунда катта кўчмас мулкка эгалик ва кўп сонли маиший техникадан фойдаланадиганлар кўпроқ пул тўлайди. Вазир ўринбосари ҳамма учун бир хил бўлган ҳисоб-китобни нотўғри деб атаган.
Ахмедхаджаевнинг қўшимча қилишича, ҳозирда Ўзбекистон Энергетика вазирлиги Жаҳон банки ва Европа тикланиш ва тараққиёт банки билан биргаликда энергия бозорини ривожлантиришнинг янги стратегиясини ишлаб чиқиш устида ишламоқда
«Биз амалга ошириш тезлиги бўйича қайси сценарий биз учун энг қизиқарли эканлигини тушуниш учун барча мумкин бўлган вариантларни муҳокама қилмоқдамиз. Дунёда уларнинг ижобий ва салбий томонлари билан турли хил тажрибалар мавжуд. Биз ҳамма нарсани ягона универсал тизимга солишга ҳаракат қиляпмиз. Ҳозир муҳокамалар иш жараёни босқичида», — деди вазир ўринбосари.
Эслатиб ўтамиз, аввалроқ Ўзбекистонда электр энергияси учун тўлов нархини ошириш таклиф қилинганди.
