Қозоғистонда 12 июнь мотам куни деб эълон қилинди
Мамлакатдаги ўрмон ёнғинлари сабаб одамлар ҳалок бўлган.
Абай вилоятида содир бўлган ёнғинда ҳалок бўлганлар хотираси учун 12 июнь кунини Қозоғистонда умуммиллий мотам куни деб эълон қилинди.
Қозоғистон ФВВнинг хабар беришича, Абай вилоятида яшин уриши натижасида келиб чиққан ёнғин 14 кишининг ҳалок бўлишига олиб келган.
Давлат раҳбари ёнғинда ҳалок бўлган ўрмон хўжалиги ходимларининг оила аъзолари билан учрашди. Қосим-Жўмарт Тўқаев уларга ҳамдардлик билдириб, мамлакатда мотам кунини эълон қилган.
Маълум бўлишича, президент Қосим-Жўмарт Тўқаев томонидан Фавқулодда вазиятлар вазири ишдан четлатилган.
