0
Иккинчи жаҳон урушида ғойиб бўлган кема топилди
Буюк Британиянинг «HMS Triumph» сув ости кемаси 1942 йилда британиялик аскарларни Грециядан Яқин Шарққа кўчиришда иштирок этган.
Кўп йиллик қидирув ишларидан кейин Эгей денгизида Буюк Британиянинг «HMS Triumph» сув ости кемаси топилди. Субмарин Иккинчи жаҳон уруши пайтида, 1942 йил экипажи билан бирга ғойиб бўлган, дея хабар берди Грециянинг «ERT» телеканали.
1937 йил фойдаланишга топширилган ушбу транспорт урушда жуда кўп вазифани бажарган. Жумладан, британиялик аскарларни Грециядан Яқин Шарққа кўчиришда иштирок этган. Германия Грецияга бостириб кирганда оролни қўриқлаган. Кема 1942 йил 23 январда дом-дараксиз йўқолган.
