Каховка ГЭСининг бузилиши оқибатида 12 киши ҳалок бўлган
Шунингдек, 35 киши бедарак йўқолган. Уларнинг 7 нафари болалар.
Херсон вилояти маъмурияти раҳбари Александр Прокудиннинг маълум қилишича, сув тошқини оқибатида Херсонда 10 киши, Николаев вилоятида 2 киши ҳалок бўлган.
Прокудиннинг сўзларига кўра, Херсон вилоятида 20 киши, жумладан, 5 нафар полициячи ва 2 нафар қутқарувчи жароҳатланган. 35 киши, жумладан 7 нафар бола бедарак йўқолган.
Шунингдек, Каховка ГЭСи тўғонининг бузилиши оқибатида Днепропетровск вилоятида балиқлар дарё саёзлашгани сабаб оммавий нобуд бўлмоқда.







