Россия ҳукумати вайрон қилинган Мариуполга талабаларни юборади
Талабалар қурилиш ишларида қатнашади.
Россия ҳукумати босиб олинган Мариуполни тиклаш учун россиялик талабаларни жалб қилишни режалаштирмоқда. Бу ҳақда Россия Федерацияси ҳукумати раҳбари ўринбосари Татяна Голикова маълум қилди деб ёзади «ТАСС».
Унинг сўзларига кўра, қурилиш отрядларига жами 200 мингдан ортиқ киши қўшилади ҳамда буларнинг катта қисми Мариупол шаҳрини қайта тиклашга жўнатилиш режалаштирилган.
«Бу йил ёз сиз учун янги имкониятлар очади. Ишончим комилки, сиз бажаришингиз керак бўлган барча вазифаларни енгиб ўтасиз», - деди Бош вазир ўринбосари.
Шунингдек, у россиялик талабалар Донецк вилоятидаги ҳарбий ҳаракатлар натижасида вайрон бўлган Саур-Могила ёдгорлик мажмуасини тиклашда аллақачон иштирок этганини ҳам таъкидлаган.
