Чилонзордаги портлашда ҳалок бўлганлар борлиги маълум бўлди
Шунингдек, 17 нафар фуқаро касалхонага ётқизилган.
Чилонзордаги мис қувурлари ишлаб чиқарувчи цехда бугун, 14 июнь куни соат 09:50 да портлаш содир бўлгани ҳақида хабар берилганди.
Фавқулодда вазиятлар вазирлигининг хабар беришича, цехнинг бир қаватли бостирмаси (ангар)да технологик жараённи бузилиши натижасида портлаш ҳодисаси содир бўлиб, ёнғин юзага келган. Натижада цехнинг том қисми конструкцияларининг қулаб тушиши ва 50 квадрат метр майдонда ички қисми ва дастгоҳларининг ёнишига олиб келган.
Ҳодиса оқибатида 1 нафар фуқаро воқеа жойида ҳалок бўлган ва 17 нафар фуқаро турли даражада тан жароҳати олиб, Республика шошилинч тиббий ёрдам илмий марказига ётқизилган.
Ҳозирда вазият оқибатларини бартараф этиш ишлари олб борилмоқда.
