Фарғонада мушук тириклайин ёқиб юборилди
Ушбу ҳолат юзасидан бир қатор шахслар жазоланди.
Фарғона ИИБнинг маълум қилишича, Қувасой шаҳар Қарамкўл қишлоғида мушукни вахшийларча тириклайин ёқиб юборилган ҳолати ИИБ ходимлари томонидан ўрганиб чиқилган.
Унга кўра, мазкур ҳуқуқбузарликни шу қишлоқда яшовчи М.А ва бошқалар содир этганлиги аниқланиб, уларга нисбатан Маъмурий жавобгарлик тўғрисидаги кодекснинг 111-моддаси (Ҳайвонларга нисбатан шафқациз муносабатда бўлиш) билан маъмурий тартибда ҳужжатлар расмийлаштирилиб, жарима жазоси қўлланилди.
Шунингдек, вилоят ИИБ фуқаролардан ёввойи ҳайвонларга ва табиатга нисбатан ижобий муносабатда бўлишни сўраган.
