Қозоғистон «Газпром» билан Россия газини Ўзбекистонга транзити бўйича шартнома имзолади
«Газпром» ва Қозоғистон Энергетика вазири ўртасида учрашув бўлиб ўтди.
«Санкт-Петербург халқаро иқтисодий форуми – 2023» доирасида «Газпром» бошқарув қўмитаси раиси Алексей Миллер, Қозоғистон энергетика вазири Алмасадам Саткалиев ўртасида учрашув бўлиб ўтди.
Учрашувда томонлар газ етказиб бериш, қайта ишлаш ва ташиш соҳасидаги ҳамкорликнинг бориши ва истиқболларини муҳокама қилишган.
Шунингдек, учрашув доирасида Алексей Миллер ва Санжар Жаркешов ўзбекистонлик истеъмолчилар учун Россия газини Қозоғистон ҳудуди орқали ташиш бўйича хизматлар кўрсатиш тўғрисидаги шартномани имзоладилар.
