Кремль ядровий қурол ишлатишга тайёрланяптими?
АҚШ Россиянинг ядро қуролидан фойдаланиш таҳдидини баҳолади.
Америка Қўшма Штатлари Россиянинг Украинага қарши ядровий қурол ишлатишга тайёрланаётганидан ҳеч қандай аломат кўрмаяпти. Бу ҳақда АҚШ давлат котиби Энтони Блинкен Россия президенти Владимир Путиннинг Беларусга ядро қуроли берилиши ҳақидаги баёноти фонида айтиб ўтди.
Унинг сўзларига кўра, Вашингтон ҳам ўзининг мудофаа позициясини ўзгартиришга ҳожат йўқ.
“Бизда ўз ядровий ҳолатимизни тўғрилаш учун ҳеч қандай сабаб йўқ. Чунки Россия ядро қуролидан фойдаланишга тайёрланаётгани бўйича ҳеч қандай аломат кўрмаяпмиз”, — деган Блинкен.
Дипломатнинг қўшимча қилишича, АҚШ НАТО ҳудудининг ҳар бир қаричини ҳимоя қилиш ғоясига содиқ қолади.
