Тошкентда янги қурилган бинода ёнғин бўлди
Оловни ўчириш учун 4 та ёнғин-қутқарув экипажи жалб қилинган.
Бугун, 17 июнь куни соат 02:25да Шайхонтоҳур тумани «Шайхонтоҳур» МФЙ, Лабзак кўчаси жойлашган янги қурилаётган бинода ёнғин бўлаётгани тўғрисида Тошкент шаҳар фавқулодда вазиятлар бошқармасига хабар келиб тушган.
Шунга кўра 4 та Ёнғин қутқарув экипажлари ёнғинни ўчиришга жалб этилган. Ёнғин соат 02:47да қуршаб олиниб, соат 03:25да батамом ўчирилган. Ёнғиндан бинонинг 250 кв.м. майдони сақлаб қолинган.
Бирламчи маълумотларга кўра, ёнғиннинг тахминий сабаби электр симларида қисқа туташув бўлган. Ёнғиндан жабрланганлар йўқ.
