0
Сергелидаги дала майдонида ёнғин юз берди
Воқеа жойига 2 та ёнғин-қутқарув экипажи юборилган.
Бугун, 18 июнь куни Тошкент шаҳрининг Сергели туманидаги дала майдонларининг бирида ёнғин содир бўлди. Бу ҳақда Фавқулодда вазиятлар вазирлиги хабар берди.
Қайд этилишича, соат 20:06 да Тошкент шаҳар Сергели тумани “Бобур” МФЙ ҳудудидаги тахминан 300 квадрат метр очиқ майдонда қуруқ ўт ва хашаклар ёнган.
Шунга кўра, 2 та ёнғин-қутқарув экипажи соат 20:18 да воқеа жойига етиб бориб, ёнғин соат 20:38 да ўраб олинган ва соат 20:42 да бартараф этилган.
Ҳодиса оқибатида тан жароҳати олган ва ҳалок бўлганлар йўқ. Ёнғин сабаби ва моддий зарар миқдори аниқланмоқда.
