Ўлгани айтилган Украина разведкаси раҳбари кутилмаганда телевидениеда кўриниш берди
Кирилл Буданов ўзининг ўлими ҳақидаги миш-мишларга изоҳ берди.
Украина Разведка Бош бошқармаси раҳбари Кирилл Буданов Украина телевидениеси эфирига чиқди ва ўзининг ўлими ҳақидаги миш-мишларга изоҳ берди. Унинг нутқи «Суспíлне телеканали томонидан намойиш этилди.
Будановнинг айтишича, «у билан ҳаммаси яхши ва ўлими ҳақидаги миш-мишларни табассум билан қабул қилмоқда».
У ўзининг соғ-саломатлигини таъкидлаб, Россия расмий ОАВларини фейк хабар тарқатишда айблаган.
Разведка хизмати раҳбарининг яраланиши ҳақида ўтган ой охирида хабарлар тарқалганди. Ўшанда РИA Новости агентлигининг хабар беришича, Буданов 29 май куни Киевга уюштирилган тунги ҳужум пайтида оғир яралангани айтилганди.
