Евроиттифоқ Сербия ва Косовани музокаралар столига чақирди
Бироқ иккала тараф ҳам буни рад этган.
Европа Иттифоқи Сербия ва Косово раҳбарлари музокаралар столига ўтириб, кескинликни юмшатишга чақирди. Бироқ Белград ва Приштина мулоқот тарафдори эмас.
Европа Иттифоқининг ташқи ишлар ва хавфсизлик сиёсати бўйича Олий вакили Жосеп Боррелнинг айтишича, ташкилот иттифоққа қўшилишга интилаётган ҳамкорлардан янада оқилона муносабат кутмоқда. Уларнинг иккаласи ҳам Брюсселга таклиф қилинган ва ҳеч қандай шартларсиз келишишлари кутилмоқда.
Эслатиб ўтамиз, Шимолий Косово минтақасида вазият маҳаллий серблар май ойида у ерда ўтказилган сайлов натижаларини бойкот қилганидан кейин кескинлашганди. Приштина этник албанлар томонидан овоз берилганларга мерлик лавозимларини берди. Этник серблар норозилик намойишига чиқишди. Бу орада Сербия ҳарбийлари косоволик уч нафар полициячини ҳибсга олган. Косовода бу ҳибслар «ўғирлаш» деб аталган.
