Қозоғистонда 4 кунлик иш ҳафтасига ўтилмоқда
Тегишли иш куни ҳамма учун жорий қилинади.
Қозоғистонда 1 июлдан бошлаб тўрт кунлик иш ҳафтаси расман жорий этилади. Бу ҳақда «Дарё» нашри ёзмоқда.
Тегишли иш куни ҳамма учун жорий қилинади, бироқ компаниянинг хоҳиши инобатга олинади. Шунингдек, иш берувчи ва ходим ўртасида шартнома тузиш керак бўлади.
Қонуннинг янги нормаси, ходимнинг илтимосига биноан, тўрт кунлик иш ҳафтасини белгилашни назарда тутади. Мисол учун, агар ходим беш кунлик иш ҳафтасига эга бўлса ва у атиги 4 кун ишласа, кейинги ҳафтада у қўшимча бир кун ишлаши керак бўлади.
“Беш кунлик, олти кунлик ёки тўрт кунлик иш ҳафтаси учун умумий дам олиш куни якшанба ҳисобланади. Беш кунлик ёки тўрт кунлик иш ҳафтасида иккинчи ёки учинчи дам олиш кунлари жамоа шартномаси ёки меҳнат қоидалари билан белгиланади”, — дейилади қонунда.
Бундан ташқари, беш кунлик иш жадвали билан бир ҳафталик, тўрт кунлик иш жадвали билан иккинчи ҳафталик иш режимларини жорий этиш мумкин бўлади.
“Саккиз соатлик график сақланиб қолинган. Кўпчилик айтганидек, 10 соат давомида ортиқча иш бўлмайди. Қонуннинг ушбу банди иш берувчилар ва ходимларга муайян иш ҳафтасини белгилаш мажбуриятини юкламайди”, — деди Қозоғистон Меҳнат ва аҳолини ижтимоий муҳофаза қилиш вазирлиги матбуот котиби Сакен Дилдахмет.
