0
Байден расмий ташриф билан Европада бўлади
У Британияда қирол Карл III билан учрашиши кутилмоқда.
АҚШ президенти Жо Байден 9-13 июль кунлари Буюк Британия, Литва ва Финляндияга ташриф буюради. Бу ҳақда Оқ уй матбуот котиби Карин Жан-Пер маълум қилди.
"Биринчи навбатда президент Байден Буюк Британиянинг Лондон шаҳрига боради. Қирол Чарлз III ва Бош вазир Риши Сунак билан мамлакатларимиз ўртасидаги яқин муносабатларни мустаҳкамлашга қаратилган учрашувлар ўтказади. Сўнгра 11-12 июль кунлари президент Литванинг Вилнюс шаҳрига ташриф буюради. НАТОнинг 74-саммитида иштирок этади", — деди Жан-Пер баёнотида.
Литвадан Байден 13 июль куни Финляндия пойтахти Хелсинкига боради ва у ерда Нато ва Скандинавия давлатлари раҳбарлари ўртасидаги саммитда иштирок этади.
