Америкалик конгрессмен ўзга сайёраликлар борлигини айтди
Унинг таъкидлашича, АҚШ ҳукумати бундан XIX аср охиридан бери хабардор.
АҚШ Конгресси Вакиллар палатаси қўмитаси аъзоси республикачи Тим Бурчетт кутилмаганда ўзга сайёраликлар борлигини маълум қилди, деб хабар берди Daily Mail. Унинг сўзларига кўра, АҚШ ҳукумати ўзга сайёраликлар борлиги ҳақида XIX аср охиридан бери хабардор.
Сиёсатчининг таъкидлашича, космик кемалар барча замонавий физикага қарши бўлиб, нафақат ҳавода, балки сув остида ҳам ўз ҳаракатидан из қолдирмасдан ҳаракатлана олади.
Бурчетт шов-шувли баёнот билан чиқди ва унга махфий ҳужжатлар ва видеолар кўрсатилганлигини таъкидлади.
«Аслида, АҚШ ҳукумати ўзга сайёраликлар борлиги фактини 1947 йилдан бери, яъни машҳур Розуел ҳодисаси содир бўлганидан бери (Ню-Мексикода НУЖ ҳалокатга учраган) эмас, балки 1897 йилдан, яъни Техасда НУЖ ҳалокатга учраганидан бери яшириб келади. Мавжудотлар биз етиб бўлмайдиган технологияларга эга ва агар ўзга сайёраликлар хоҳласа, одамларни аллақачон кўмирга айлантирган бўлар эди. Лекин ердан ташқари цивилизация биз учун хавф туғдирмайди, чунки улар ҳали бирорта душманлик сценарийсини амалга оширмаган. Аммо бу содир бўлганида, инсониятнинг ўзга сайёраликларга қаршилик кўрсатиш имконияти бўлмайди», — деди конгрессмен.
