Қўзғолондан кейин Пригожин Москвада Путин билан учрашди
Учрашув уч соат давом этган.
«Вагнер» хусусий ҳарбий компанияси раҳбари Евгений Пригожин ва бир гуруҳ командирлар 29 июнь куни Россия президенти Владимир Путин билан учрашди. Россия президенти матбуот котиби Дмитрий Песков Путин Пригожин билан «Вагнер» исёнидан беш кун ўтиб учрашганини тасдиқлади
Путин Пригожин билан 29 июнь куни Кремлда учрашди, деб ёзади «РИА Новости» Дмитрий Песковга таяниб. Учрашув уч соатга яқин давом этди, унда ёлланма жангчилар отрядлари командирлари ҳам иштирок этди, такидланишича, учрашувда жами 35 киши қатнашган.
Песковнинг сўзларига кўра, президент содир бўлган воқеаларга ўз баҳосини берди ва «Вагнер» вакилларига ишга жойлашиш имкониятларини таклиф қилди.
«Қўмондонларнинг ўзлари бўлиб ўтган воқеа юзасидан ўз версияларини тақдим этдилар, улар давлат раҳбари ва Олий Бош қўмондоннинг содиқ тарафдорлари ва аскари эканликларини таъкидладилар, шунингдек, ватан учун курашни давом эттиришга тайёр эканликларини айтишди. Бу учрашув ҳақида айтишимиз мумкин бўлган нарса шу», — деди Песков.
