0
Тошкентда автобус ёниб кетди
Ёнғин-қутқарув экипажи боргунга қадар ёнғин ўчирилган.
Тошкент шаҳар Чилонзор туманида 10 июль куни соат 06:51 да 147-сонли «Чорсу бозори ва Чинни бозор» йўналишида ҳаракатланувчи «Mersedez-Benz» русумли автобуснинг матор қисмида ёнғин юзага келди, дея хабар бермоқда ФВВ.
Таъкидланишича, битта ёнғин-қутқарув экипажи ёнғин жойига соат 07:00 да етиб борган. Ёнғин, экипаж боргунга қадар бозор ҳудудий ёнғин ўчириш экипажи ва бирламчи ёнғин йўчириш воситалари ёрдамида ўчирилган. Ёнғинга электр симларидаги қисқа туташув сабаб бўлгани тахмин қилинмоқда.
Ҳодиса оқибатида тан жароҳати олган ва ҳалок бўлганлар йўқ.
