ATACMS ракеталари Украинага берилиши мумкин
АҚШ 300 км узоқликдаги нишонларга зарба берувчи ракеталарни Украинага етказиб беришни режалаштирмоқда
Оқ уй Украинага тахминан 300 километр масофага учадиган АТАСМS ракеталарини етказиб бериш масаласини муҳокама қилмоқда, деб ёзади The New York Times
Нашр суҳбатдошларига кўра, гап ҳозирда захирада бўлган бир нечта «ер-ер» тоифали бошқариладиган ракеталарни етказиб бериш ҳақида кетмоқда.
АҚШ АТАСМS арсеналининг нисбатан кичиклиги ва мавжуд ракеталар аллақачон бошқа жойларда, жумладан Корея яриморолида ҳам жойлаштирилганлиги сабабли, АҚШ Украинага узоқ масофали ракеталарни топширишда иккиланяпти. Бундан ташқари, Пентагоннинг фикрича, ҳозирги босқичда Украина узоқ масофали ракеталарга муҳтож эмас.
Муҳокамалар Франциянинг камида 250 километр масофага уча оладиган SCALP ракеталарини Украинага ўтказиш тўғрисидаги қарори фонида ўтказилмоқда.
