Бош прокуратура Бухорода яшиллик даражаси қисқаргани юзасидан текширув бошлади
Ҳолат юзасидан бир қатор шахсларга нисбатан жиноят иши қўзғатилган.
Аввалроқ қурилиш ишларининг жадаллашуви натижасида яшиллик даражаси 2022 йилда 2017 йилга нисбатан Бухоро шаҳрининг марказий 37 фоизга қисқаргани ҳақида хабар берилганди. Ушбу ҳолат юзасидан Прокуратура органлари томонидан фуқароларнинг хабарига асосан Бухоро шаҳрида экология билан боғлиқ қўпол қонунбузилиш ҳолати фош этилди.
Аниқланишича, 2022 йил 1 октябрь куни «BUKHARA G.C.» МЧЖ мансабдор шахслари ва бошқалар томонидан Б.Нақшбанд кўчасидаги мавжуд бўлган қимматбаҳо 22 туп қарағай дарахтлари ноқонуний кесилиб, табиатга жиддий зиён етказилган.
Бироқ, мазкур ҳолат Бухоро вилояти экология, атроф-муҳитни муҳофаза қилиш ва иқлим ўзгариши бошқармаси мансабдор шахслари томонидан енгилроқ жазо назарда тутилган маъмурий ҳуқуқбузарлик сифатида расмийлаштирилган, шунингдек, ноқонуний кесилган дарахтларларни олиб қўйиш ўрнига ҳуқуқбузарларнинг ўзига топшириб корхона томонидан шахсий манфаатларда ишлатиб юборилишига йўл қўйилган.
Шу билан бирга, дарахт кесганларга нисбатан янги дарахт экиб бериш мажбурияти юкланмаган.
Ҳозирда мазкур ҳолат юзасидан Бухоро вилояти прокуратураси томонидан жиноят иши қўзғатиш ва айбдор шахсларга нисбатан таъсирли процессуал мажбурлов чораларини қўллаш масаласи ҳал этилмоқда.
