БМТ Россияга таклиф билан чиқди
Москва дон келишувини узайтириш шартини айтди.
Бирлашган Миллатлар Ташкилоти Бош котиби Антониу Гутерриш Россия президенти Владимир Путинга Россия маҳсулотлари ва минерал ўғитлар экспортида кўмак бериш эвазига ғалла шартномасини узайтиришни таклиф қилди.
Мақсад — Россиянинг асосий даъвоси бўлган Россия қишлоқ хўжалиги банки учун тўсиқларни олиб ташлаш ва шу билан бирга Қора денгиз орқали Украина ғалласининг узлуксиз олиб ўтишига имкон бериш.
Қайд этилишича, бир йил аввал БМТ ва Туркия воситачилигида эришилган келишув Украинанинг учта портидан – Чорноморск, Одесса ва Пивденний портларидан озиқ-овқат ва ўғитларни экспорт қилиш имконини беради. Битим уч марта узайтирилди ва охирги муддат 17 июлда тугайди.
