Байденнинг Европа сафаридаги «саргузаштлари»
У Финляндияда қизалоқни тишлаб олган.
АҚШ Президенти Жо Байден Финляндияни тарк этишдан олдин қизалоқнинг елкасидан тишлаб олди, деб хабар берди Fox news.
Воқеа пайшанба куни Байден Хелсинкидан жўнаб кетаётганда, Оқ уй раҳбари самолётга чиқишдан олдин элчихона ходимлари ва уларнинг оила аъзолари билан саломлашганда содир бўлган.
Кадрларда АҚШ Президенти онасининг қўлида турган қизалоқ томон эгилиб, унинг елкасидан тишламоқчи бўлганини кўриш мумкин. Байден унинг бошидан ўпмоқчи бўлганида, қизалоқ қўрқиб кетган.
Бу Байденнинг Европага сафари пайтида юз берган ягона воқеа эмас. Аввалроқ АҚШ Президенти НАТОнинг Вилнюсдаги саммитида чиқиш қилиб, Россия ва Украинани чалкаштириб юборган эди. Хелсинкидан жўнаб кетаётганда журналистлар Байден бу сафар самолётга чиқиш учун қисқароқ нарвондан фойдаланганини, аммо барибир қоқилиб кетганини пайқашди.
