Россия дон шартномаси бекор қилинганини эълон қилди
Кремль келишувга қайтиш шартларини маълум қилди
Россия шартлари бажарилмагани учун дон шартномаси ўз кучини йўқотди. Бу ҳақда 17 июль куни Россия президенти Дмитрий Песков айтиб ўтди.
«Қора денгиз келишувлари бугундан ўз кучини йўқотди. Россия Федерацияси Президенти аввалроқ айтганидек, охирги муддат — 17 июль. Афсуски, ушбу Қора денгиз келишувининг Россияга тегишли қисми ҳозиргача бажарилмаган. Шунинг учун келишув тугади», — деди Песков.
У Москва дон келишувининг Россияга тегишли қисми бажарилиши биланоқ шартномага «дарҳол қайтишига» ишонтирди. Песковнинг қўшимча қилишича, Россия келишув бўйича позицияси Қрим кўпригига ҳужумдан олдин ҳам эълон қилинган, шунинг учун сўнгги воқеалар Москва қарорига таъсир қилмаган.
Эслатиб ўтамиз, 16 июль куни охирги кема Қора денгиз дон ташаббуси доирасида Одесса портини тарк этган эди. Шунингдек, 14 июль куни Туркия Россия президенти Владимир Путин дон шартномасини узайтиришни қўллаб-қувватлаганини эълон қилди, бироқ Песков буни рад этган.
Маълумки, Россия Москва банклардан бири учун SWIFTʼдан фойдаланишни қайта тиклашни, шунингдек, жаҳон бозорларига қишлоқ хўжалиги техникаси ва эҳтиёт қисмларини етказиб беришни қайта йўлга қўйиш ҳамда суғурта ва қайта суғурталаш бўйича чекловларни олиб ташлашни талаб қилмоқда.
