Илон Маск бир кунда 20,3 млрд доллар йўқотди
Tesla акциялари кескин тушиб кетди.
Илон Маск ўзининг электромобиль ишлаб чиқарувчи Tesla компанияси акциялари кескин тушиши туфайли 20,3 миллиард доллар йўқотди.
Bloomberg индексига кўра, Маскнинг бойлиги 20,3 млрд долларлик йўқотишдан кейин 234,4 миллиард долларни ташкил этмоқда. Tesla акциялари Маскнинг компания ўз маҳсулотлари нархини пасайтиришда давом этишига тўғри келиши мумкинлиги ҳақидаги баёнотидан сўнг 9,7 фоизга арзонлашди.
Йўқотишларга қарамай, америкалик бизнесмен дунёдаги энг бой одам бўлиб қолмоқда. У миллиардерлар рейтинггида иккинчи ўринни эгаллаб турган Louis Vuitton Moet Hennessy эгаси Бернард Арнодан 33 миллиардга бойроқ.
