Путин Украинанинг қарши ҳужуми муваффақиятсизликка учраганини эълон қилди
Айни пайтда Путин ва Лукашенко Санкт-Петербургда музокара ўтказмоқда
Россия президенти Владимир Путин ва Беларус президенти Александр Лукашенко ўртасидаги музокаралар Санкт-Петербург яқинидаги Стрелна шаҳрида жойлашган Константиновский саройида бошланди.
Учрашув аввалида Лукашенко Украина армиясининг қарши ҳужуми амалда йўқлигини айтди. «У бор, лекин барбод бўлди», деб жавоб берди жаноб Путин, деб ёзади «ТАСС».
Путиннинг таъкидлашича, Украина Қуролли кучларининг қарши ҳужум пайтида йўқолганлари 26 минг кишидан ошган. Россия президенти, шунингдек, Украинадаги хорижлик ёлланма аскарлар «ўз аҳмоқлиги» туфайли катта йўқотишларга дучор бўлаётганини таъкидлади.
Маълумот учун, икки давлат раҳбарлари бир машинада биргаликда музокаралар ўтказиш учун Константиновский саройига етиб келишган.
Айни пайтда давом этаётган учрашувда Владимир Путин ва Александр Лукашенко Россия-Беларус муносабатларини янада ривожлантириш, шунингдек, Иттифоқ доирасидаги интеграцион ҳамкорликни муҳокама қилишлари керак, деб хабар бермоқда «Коммерсанть» нашри.
